Gipirmahan na kagahapong adlawa ni City Mayor Celso Regencia ang Executive Order nga nagmando sa pagpahunong una sa gipatumang Curfew Hour sa dakbayan sa Iligan.
Gani, bisan wala pa ang maong Executive Order kagahapon sa buntag gi-anunsyo na sa mayor ang pag-lift sa curfew atubangan mismo sa mga kawani sa city hall atol sa gipahigayong flag raising program.
Boot ni Regencia nga hatagan ug kahigayonan ang mga aktibidadis sa kapistahan sa syudad ingon man isip pag-respito ngadto sa patron nga si senior san Miguel archangel.
Kahinumduman nga sobra tuig na nga gipatuman ang curfew hour sa dakbayan sa iligan sukad nga mibusikad ang kagubot sa dakbayan sa Marawi.
