Curfew: Operating hours sa mga establisemento i-adjust

17

Davao City – Gi-awhag ni Davao City Mayor Sara Duterte-Carpio ang mga opisina ug establisemento nga magbaton na og adjustment sa oras sa ilang operasyon una pa man magsugod ang pag-regulate sa curfew alas 12:00 sa udto sa Huwebes (October 15, 2020) hangtud sa Disyembre 31, 2020 subay sa Executive Order No. 55 Series of 2020 nga gipagawas sa City Government of Davao.

Matud sa Alkalde , aduna pay panahon ang mga opisina, establisemento, simbahan ug uban pang institusyon nga ma-plastar ang oras sa ilang operasyon una hingpit nga ipatuman ang maong direktiba.

“Curfew only covers individuals. We do not ask establishments or offices to close, pero gina-encourage nato sila nga mo-adjust sila sa ilang operating hours,” tataw ni Duterte-Carpio.

Samtang, kinahanglan lamang nga mag-presenta sa ilang employees ID ang mga trabahante sa establisemento nga nag-operate sulod sa curfew hours panahon sa inspeksyon sa dalan o sa mga checkpoints, sama sa mga medical doctors and veterinarians, trabahante sa public utility companies (energy, water, internet, etc.) nga nagbaton og construction, maintenance o emergency activities.

Exempted usab ang negosyo sa fishing activities apan subject for inspection sa awtoridad lakip ang mga indibidwal nga motambong og lamay sa membro sa pamilya ug mga medical, emergency ug disaster cases.

RadyoMaN Kirby Manzon

Facebook Comments