Curfew para sa mga minors sa Boracay hugot nga gina patuman

Hugot nga gina patuman kung Local Government Unit it Malay ro implementasyon para sa curfew sa mga minors sa isla it Boracay nga may Municipal Ordinance nga 212.
Daya hay sa bulig man ko Boracay Tourist Assistance Center (BTAC) sa pagpanguna ni PSI Jose Mark Anthony Gesulga, Acting Chief it BTAC ag ro Municipal Social Welfare and Development Office (MSWDO).
Ro mga minors nga makit-an sa mga bar ag mga establisyemento sa oras it curfew alas-10 it gabii hasta alas-5 it agahon eabi eon sa beach front hay pagasitahon ag pagadaehon sa MSWDO para sa counseling bago ibalik sa anda nga mga ginikanan.
Sambilog man sa anda nga gina tutukan hay ro mga naga himo it mga sand castle bangod mga minors sa Boracay ro naga ubra kara kung siin hugot man nga gina bawae ro pag ubra it daya sa bukon it tama nga lugar.
Do daya nga tikang hay para maiwasan man do nagakasari-sari nga insidente sa Boracay eabi eon do mga panakawan kung siin kaeabanan man sa mga naga himo hay mga inunga.
Samtang ko nagtaliwan nga adlaw hay pilang ka pamatan-on ro anda nga hasampulan kaangot sa raya nga laye sa Boracay.

Facebook Comments