DA 12 kag mga hog producers sa rehiyon nakapadala na sang masobra 6k nga baboy sa Luzon sang nagligad nga semana.

13

Nagalab-ot na sa masobra 6k nga baboy ang napadala sang Department of Agriculture kag mga hog producers sa rehiyon dose padulong sa Central Luzon sang nagligad nga semana. Ini ang kumpirmasyon ni DA 12 Regional Executive Director Arlan Mangelen.
Paklaro pa ni RD Mangelen nga nagasubsidize lang ang ahensya sa gasto sa transportasyon sang mga baboy agud nga indi magtaas ang presyo sini pag-abot sa Luzon.
Pahayag pa sang regional director nga indi lang basta nga nagapadala sang baboy ang rehiyon sa Luzon tungod ginapaagi pa sa ASF labortarory test agud nga masiguro nga negatibo ini sa nasambit nga balatian.
Daku naman ang kontribusyon sang South Cotabato sa ginapadala nga baboy sa Metro Manila tungod may mga dalagku nga hog producers sa probinsya.
Ginsiguro man ni RD Mangelen nga may bastante pa nga supply sang baboy dire sa rehiyon sa pihak sang pagpadala sini sa Luzon.

Facebook Comments