DA 12 Regional Director Mangelen ginapaactivate sa mga LGU`s sa rehiyon ang Local Price Monitoring Council.

17

Ginapaactivate ni Department of Agriculture -12 Regional Director Arlan Mangelen sa tanan nga mga local government units sa rehiyon ang Local Price Monitoring Council (LPMC) sini,agud nga magabulig sa pagpatigayon sang monitoring sa presyo sang mga agri-products kapareho sang karne sang baboy kag manok subong man utanon sa tagsa sini ka mga lugar.
Katuyuan man suno pa sini nga mapunggan ang pagpangbentaha ukon manipula sang mga negosyante sa pagsaka sang presyo sang mga agri-products kag iban pa nga mga balaklon.
Basehan naman sa monitoring sang presyo sang mga agri-products ang ginpaggwa nga suggested retail price sang DA 12.
Pahayag pa ni RD Magelen, nga wala sang kakulangan sa supply sang karne, isda kag mangin sang mga utanon dire sa rehiyon.
Base sa SRP nga ginpaggwa sang ahensya dire sa rehiyon, suno kay Mangelen indi maglampas sa P300 ang presyo kada kilo sang baboy kag yara naman sa P154.00 ang average sang kada kilo sang manok.
Samtang sa utanon naman nga SRP; ang ampalaya dapat yara lang sa P71.00 kada kilo, sitaw-P19.00, pechay –P25.00, kalabasa-P15.00, talong –P51.00, kamatis-P59.00, raddish – P47.00.
Samtang sa repolyo – P48.00, carrots – P73.00, white potato –P70.00, sayote –P20.00, onion red local –P143.00, onion red imported –P124.00, onion white imported – P83.00 kag local P87.00, garlic imported –P126.00 kag garlic native – P155.00, luy-a – P142.00 kag sili labuyo – P215.00
Awhag naman ni RD Mangelen sa mga bumalakal nga kon may-yara sang mga negosyante nga nagabaligya sang ila produkto nga lampas sa SRP ang ireport sa ila nga talatapan ukon sa Local Price Monitoring Council (LPMC) sa lugar.

Facebook Comments