Davao City – Pulongon sa Department of Agriculture (DA)-XI ugmang adlawa Miyerkules (January 27, 2021) ang mga stakeholders niini aron mahatagan og aksyon ug solusyon ang report nga pagtaas sa presyo sa karneng baboy ug karneng manok luyo sa nasinatiang pandemya.
Sa interbyu sa DXDC RMN Davao kang DA-XI Regional Director Ricardo Oñate, gibutyag niini nga magbaton usab sila og meeting uban ang Local Monitoring Price Council sa syudad sa Davao ingon man uban ang mga hog raiser labot sa ilang produkto.
“Actually, magmi-meeting kami with the stakeholders. Tinitingnan natin ‘yung presyohan ng baboy at manok natin kay mura’g ga-taas,” segun ni Oñate.
Gipasabot ni Oñate nga kinahanglang magbaton og price ceiling sa maong mga produkto aron nga dili maabuso sa mga negosyante pinaagi sa iligal nga pag-manipulate ang presyo sa basic necessities and prime commodities sa merkado.
Nasayran nga mismong si DA Secretary William Dar ang nagduso og Executive Order (EO) labot sa price ceiling diin naglaum ang opisyal nga mapirmahan kini ni Presidente Rodrigo Duterte karong semanaha.
RadyoMaN Kirby Manzon
