DA XI: Suhestyon nga i-test usa ang mga baboy inay i-culling tanan ginatun-an

34

Davao City – Gibutyag sa Department of Agriculture (DA)-XI nga wala pay direktiba ang DA central office labot sa suhestyon nga giluwatan ni Davao City Mayor Sara Duterte-Carpio nga magbaton og laing pamaagi sa pag kontrola sa African Swine Fever (ASF) partikular na sa Davao Region.

Sa interbyu sa DXDC RMN Davao kang Dr. Karl Pineda, Veterinarian ug Agriculturist II sa DA-XI, gibutyag niini nga sa kasamtangan, inay usa ka kilometro, gi-paubos sa 500-meter radius ang depopulation o culling sa mga baboy nga anaa sa lugar nga posibleng infected sa ASF, diin nakatutok karon ang departamento sa ASF-affected areas sa Davao Oriental.


Sa pamahayag ni Mayor Sara, gibutyag niini nga adunay suhestyon kung pwedeng usa-usa nga ma-test ang baboy ayha i-culling aron nga dili daghang baboy ang mamatay nga posibleng muresulta sa pagkakulang sa suplay sa karneng baboy ug pagmahal sa presyo niini.

“There was a suggestion, kung pwede ‘ta mag hangyo nga dili patyon tanan (baboy nga ASF-affected) because otherwise, magkulang ang supply sa pork ug mumahal ang presyo. So what we want to do is to isa-isahon pag test. Kung positive, patyon,” matud sa Alkalde.

Apan matud ni Dr. Pineda, gawas nga gasto ang usa-usa nga pag-test sa baboy, dili usab masiguro nga ma-kontrola ang sakit kung dili ipatuman ang pag-depopulate sa usa ka area subay sa protocol nga ginasunod sa departamento.

“Dili man gud na siya assurance nga ma-contain nato ang sakit (ASF) kay ang focus man gud ana nga i-stamp out ang large group of pigs within a certain area, para siya ma-make sure nato nga from the index point wala na siyay katakdan didto nga nearby nga baboy,” tataw ni Pineda.




Hinuon, matud sa DA-XI official, sa pagkakaron, ang Local Government Unit (LGU) ang nagapahigayon og depopulation subay sa DA protocol.

Samtang, ginabayaran usab ang hog raisers o ginatawag nga indemnification sa ma-depopulate nga binuhing hayop.

RadyoMaN Kirby Manzon

Facebook Comments