Dagit sa abu sayyaf group nga si Jose Duterte sa Siocon, gibuhian na, biktima nagpasalamat ni GOV. UY

Luwas na karon gikan sa kamot sa mga bandidong Abu Sayyaf ang biktima sa pagpangdagit nga nailang si Jose Duterte ug asawa niini nga nailang si Jessica Duterte nga taga Sitio Tabuk Barangay Sta. Maria Siocon Zamboanga del Norte.

Kahinumduman nga alas 6:30 ang takna sayu sa kagabhion niadtong Marso 3, 2017 gidagit ang magtiayon sa armadong mga lalaki nga nakasuot ug uniporme sa militar. Sigun sa asoy sa biktimang asawa nga sa maong oras samtang didtu sila sa ilang gipanag-iya nga tindahan, upat ka mga armadong lalaki ang misulod ug gidagit silang magtiayon.

Pagtuo sa biktimang Jessica nga mga militar ang maong mga armadong lalaki kay nakasuot man kini ug uniporme sa militar. Gipangtiunan sila ug armas gipasakay ug speed boat ug wala na sila kabalo kung unsa na nga lugar ang ilang nahimutangan apan adunay nag-ingon kanila nga anaa na sila sa Jolo Sulu. Pipila ka bulan ang nakalabay, Agosto 31, 2017 una nga gibuhian sa mga kidnapers ang asawa nga si Jessica kay nagluya siya samtang anaa sa kamot sa mga kidnapers.


Apan hawid gihapon sa mga kidnapers ang bana niini nga si Jose Duterte 66 anyos.
Sigun sa asoy ni Jose Duterte, nga usa ka tuig ug walo ka bulan siya nga gihawiran sa mga kidnapers nga nailhan na nga mga meyembro sa Abu Sayyaf.
Karong bag-o lang Nobyembre 1, 2018 alas 1:30 ang takna sa kahaponon, sagul ang gibati sa biktimang Jose Duterte kay sa maong adlaw ug oras gawasnon na ang biktima gikan sa kamot sa Abu Sayyaf Group (ASG) pinaagi sa subleader niini nga nailang Injam Yadah, gibuhian na ang biktimang Jose Duterte.
Dugang asoy sa biktima nga naningkamot siya nga makalahos ug makatabok sa highway aron makapangitag masakyan ug magpakitabang.
Sa dihang nakaabot na siya sa highway, nadungog niya ang tingog sa motorsiklo ug iya kining gipara aron makasakay ug nagpakitabang sa driver nga mahatod sa kampo sa mga militar.
Dugang asoy sa biktima nga paghiabot niya sa kampo sa militar nagpaila dayun siya ug gi-asoy nga usa siya ka biktima sa pagpangdagit.
Gi asoy ni Jose Duterte nga kalisod ang iyang nasinati gikan sa kamot sa mga kidnapers apan naningkamot siya aron makalingkawas sa mga armadong ASG Ug Ning higayuna, gawasnon na ang biktimang Jose Duterte gikan sa mga kidnapers.
Kagahapong adlawa ang biktimang magtiayon nga si Jose Duterte ug Jessica Duterte inubanan ni Siocon Mayor Julius Lobrigas ang miadto sa buhatan ni Gov. Roberto Uy aron ipabati mismo sa magtiayong Duterte ang ilang pagpasalamat ngadto ni Gov. Uy sa paningkamot ug gipakitang tabang niini.
Diha sa asoy ni Jessica Duterte nga wala silay gihatag nga ransom bugti sa kagawasan sa iyang bana. Bugtong nahatag lamang nga kantidad mao ang pang board and lodging alang sa negotiation.
Nasayran nga na rescue ang biktimang Jose Duterte pinaagi sa joint operating elements ilawom sa Philippine Marine Ready Force didtu sa Sulu. Sa wala pa gihatod ang biktima sa iyang pinuy-anan didtu sa Siocon, gipailawom una kini sa medical check up ug debriefing didtu sa KTBH Busbus Jolo Sulu . (PIC-JOYENGOC)

Facebook Comments