RMN Laoag – Nakipartisipar dagiti sumurok kumurang dua a gasut nga estudyante iti Road Safety Forum nga insayangkat ti Motorcycle Philippines Federation (MCPF) – Ilocos Norte Chapter iti Immaculate Concepcion Academy (ICA), Siudad ti Batac.
Indauloan daytoy ti Provincial Coordinator a ni Mr. Garry Ronquillo. Insurona dagiti nagduduma a teknik kas iti hand signals, road signs, ken speed limit wenno kasano ti kinapaspas ti taray ti maysa a lugan.
Inaramid daytoy ti nasao a grupo tapno makissayan ti bilang ti madisdisgrasya a motorista iti probinsia, nangnangruna kaadoan kadagiti biktima ket estudyante wenno menor de edad.
Kalikagum ti grupo a mas mapalawa pay ti adbokasyada iti responsable a panagusar ti motorsiklo wenno lugan tapno maliklikan ti saan a mapakpakadaan a disgrasya iti dalan.
Bernard Ver, RMN News
