Dako na isda na tagtawag na Sunfish napadpa- patay sa San Francisco, Surigao del Norte Napadpad pero patay na an dako na isda na tagtawag na Sunfish didto sa baybayon sa San Francisco, Surigao del Norte. Sa pamahayag ni Brgy. Kagawad Ricky Estrella nan Brgy. Linongdanan, an mga mangingisda an una na nakakita sa patay na Sunfish mga alas 12:45 sa paniudto adton Enero 21 ug mikontak dajon ngadto sa ila na mga barangay officials. Sunod isab na taghimo nila ni Estrella an pag-refer sa nakit-an na isda ngadto sa Municipal Agriculturist na si Marieto Clerigo. Tagtudlo ni Clerigo na grabe kadako an Sunfish na moabot sa 2.10 metros an katas-on sanan an kalapdon mga 190 metros. Gumikan kay naabtan nan gabii adto na higayona ug wayay mopasalig sa paglubong sa isda resulta sa kabug-at, na-desisyunan na igujod na lamang ini, tagdaya tunga-tunga sa lawod.
