DAKO NGA BULIG | 43 ka units sang portable water pumps kag motor engines, ginhatag sa asosasyon sang mga mangunguma sa banwa sang Jamindan

Jamindan, Capiz – Naglab-ot sa 43 ka units sang portable water pumps kag motor engines ang ginhatag sa asosasyon sang mga mangunguma sa banwa sang Jamindan. Ginpahayag ni Mayor Mac Valdemar nga 22 ka mga barangay ang nakabenipsyo sang nasambit nga proyekto kun sa diin nagikan ang nasambit nga pondo sa NIA nga naglab-ot sa P4.2 milyones pesos.
Suno pa kay Valdemar nga paagi sa iya pagpatikasog nga mapaabot ang mga resolution sang mga farmers association sang mga kabarangayan sa iya banwa, natigayon nga makaabot sa talatapan ni Capiz 2nd District Congressman Fredenil Castro kag napondohan ang nasambit nga proyekto. Nagpasalamat naman ang alkalde bangud dako ang mabulig sang mga portable water pumps kag motor engines sa mga mangunguma agud mapataas ang ila rice production.
Nahibaluan nga personal nga nagtambong sa distribusyon sanday Congressman Fredenil Castro kag NIA-6 Regional Director Engr. Gerardo Corsiga upod sa mga opisyal sang Jamindan nga ginhiwat sa sang July 20, 2018, sa Jamindan Gymnasium.

Facebook Comments