DAKOP SA AKTO! | Kawatan sang manok, arestado; Suspek, hugot ang pagpanginwala!

Roxas City, Capiz- Arestado sang mga katapo sang barangay tanod sang Brgy. Lonoy ang isa ka persona nga ginapahayag kawatan sang inugbulang nga manok.
Yara na subong nakahunong sa karsel sang Roxas City PNP ang suspek nga ginkilala kay Gerald EbaƱez sang Brgy. Cogon, Roxas City samtang nakapalagyo naman ang duha sini ka mga kaupdanan nga nakilala lamang kanday alias “Tisoy Navarete” kag “Nonoy de la Cruz” nga lunsay mga residente sang Estancia, Iloilo.
Sa interview sang news team sa amu nga suspek, hugot sini nga ginpanginwala nga siya ang may yara sang ihibalo sa ilegal nga boluhaton sang iya mga kaupdanan.
Suno diri nga ginsunod-sunod ini sang amo nga mga persona agud nga hagaron sa pag-upod sa ila.
Nahibaloan nga nadakpan si Gerald EbaƱez sang mga CVO sang Barangay Lonoy kag nakit-an halin mismo sa jacket sini ang mga nagkalakakas na nga mga bulbol sang manok.
Una diri, natalupangdan ni Ryan Ortega nga naghalin sa peryahan nga wala na ang apat sini ka mga manok sa ila ginapahamtangan gani nga insigida sini nga ginpukaw ang magulang nga si Raffy Ortega kun sa diin nakit-an nila sa unhan ang suspek nga ginbayaan sang duha sini ka mga kaupdanan.

Facebook Comments