Panay, Capiz- Dakop sang mga katapo sang Panay PNP kag MENRO personnel sang amo nga banwa ang pila ka mga persona nga ilegal nga nagapangisda sa kadagatan nga sakop sang amo nga munisipyo.
Sa ginpatigayon nga seaborn patrol sang mga otoridad, naaktohan sang mga ini ang pito tanan nga mga sakayan pandagat nga nagapangisda sa area sang Navitas, Panay.
Ang mga arestado amo sanday Condrado Bernas y Frangoso sang FB-Dods CJ; Alfon Villanueva sang FB-Andrea; Jose Bengaora y Martinico; Jason Bengaora kag Rendel Villanueva sang FB-Dondon; Crispen Cabulacan sang FB-Angie; Junior Devino sang FB-Elmer Joy kag Joseph Urdas sang FB Junman.
Ang nasambitan nga mga persona ang mga lunsay residente sang Brgy. Butacal Panay Capiz.
Ginpangkumpiskar sa mga ini ang sakayan pandagat, lambat kag iban pa nga mga gamit sa pagpangisda. Ang nasambitan nga mga persona ang multahan bangod man sa paglapas sa Anti-illegal Fishing Ordinance sang amo nga banwa.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
