Dakop si anay Punong Barangay Noemi Jablo sang Desamparados , Jaro matapos mabaklan sang ginapahayag shabu nga ginbutang sa hasang sang isda nga bangrus.
Ginpahayag ni Police Sr. Inspector Kenneth Bermejo sang Regional drug Enforcement Unit ukon RDEU nga pagkatapos sang barangay Elections, padayon niloa nga gin-monitor ang hulag sang mga barangay Officials nga nalakip sa narco-list kon sa diin isa diri si Jablo.
Suno pa kay Bermejo nga masobra isa ka bulan nila nga gin-monitor si Jablo kag kaina sang hapon ginhiwat nila ang buy bust operation sa balaligyaan sini sang mga karne klag isda sa Ungka 2, Pavia.
Ginpahayag nga ginasulod sa hasang sang isda ang illegal nga druga sang mga nagabakal agud indi mabal-an.
narecover kay Jablo ang anum tanan ka bulto sang suspected shabu, buy bust money , cellphone kag isda nga bangrus kon sa diin ginsulod ang druga.
Kaupod man nga gindakop ang kabulig sini nga si Alton Guirhem.
Nahibaluan nga si Jablo ang high value target kon sa diin ginatudlo nga narco-politician sa siyudad sang Iloilo.
