KABANKALAN CITY – Nagapabilin nga detained sa Kabankalan Police Station ang isa ka barangay kapitan matapos makuha-an sang armas sa isa ka checkpoint sang Sabado sang gab-i.
Sa checkpoint nga ginpatigayon sang Kabankalan PNP sa area Prk. Buri, Brgy. 4, naglabay naman ang motorsiklo (Honda XRM red) nga gina-maneho ni Punong Brgy. Jerry Vargas, 59, sang Brgy. Pandanon, banwa sang Mabinay, Negros Oriental.
Upod nya si Bambi Hechanova sang Barangay Camingawan, Kabankalan City.
Narecover naman sang otoridad ang isa ka calibre-45 Safari Arms pistol kag isa ka magazine sa diin wala naman sang may mapakita nga papeles si Punong Barangay Vargas rason nga gin-dala ini sa police station.
Ang kapitan ang posible, magapangatubang sang illegal possession of fire-arms.
