General Santos City–malampusong nasikop sa gipahigayung buybust operation sa nag hiusang pwersa sa PDEA 12 ug PDEA 13 ang duha ka mga myembro sa gika ingong drug group nga Vencilao Drug Group nga naga lihokan sa area sa PDEA Region-13 alas 7:00 ang takna sa buntag sa VSM Homes Phase-2 barangay San Isidro ning syudad.
Giila ni Dir. Valente CariƱo ang mga suspect nga si silang Jhonel Jongko y Mamac, 38, printing press worker kansa number 1 sa target list sa PDEA 13 ug si Princess Mae Jacela, 30 anyus, number 4 sa target list.
Napalit sa mga ahente sa PDEA ngadto sa mga suspect ang usa ka sachet nga shabu nga adunay gibana-banaang kantidad nga 5000 pesos nga adunay gibug-aton nga (1) ka gramo samtang nakuha usab sa posisyon sa mga nasangpit ang lain pang (6) ka gramo sa gituohang shabu nga adunay kantidad nga P30,000.00 ka pesos ug ang P1000.00 pesos nga boodle mark money.
Dugang pa ni Dir. Carino nga nibalhin ang mga nasangpit sa syudad human nga nasikop sa CDO ang ilahang leader ug dinhi na sa Gensan nagpadayon sa ilahang negosyo. (Dave Silagan)
(Photo Credit to PDEA-12)
