DAKPAN|25 anyos nga misulod sa compound sa negusyante ug nakuhaan ug shabu-dakpan

General Santos City—Dakpan ang usa ka Eliezer Lacia, 25 anyos nga taga Purok Matatag, Bartangay san Isidro, Gensan human kining misulod sa compound sa negusyanteng si Vic Sexcion, nga nahimutang sa Isabella Homes, Barangay San Isidro, alas 10:20 ang takna kagabie, August 8, 2018.

Nasayran nga naaktuhan sa gwardya sa balay sa negusyante ang pagsulod sa suspek ngadto sa compound maong iya kining gidakop.

Gilayon man nga nagtawag ug pulis ang gwardya aron nga iturn-over ang dinakpan.


Pagsuta sa kapulisan sa mga bulsa sa suspek nakit-an ang duha ka sachet sa gituohang shabu nga giputos ug papel.

Tungod niini gawas sa kasong trespassing, mag atubang usab ug kasong kalapasan sa RA 9165 ang 25 anyos nga batan-on kansa balhog karon sa silda sa Police Station 4.

Facebook Comments