Report ni: Tita Jen Palomo Debaja
Dakup na ang principal suspect sa pag patay kag pag sulod sa freezer kay Joanna Demafelis kag yara na ini sa kostudiya sang mga autoridad sa Lebanon.
Sa statement ni Foreign Affairs Secretary Alan Peter Cayetano, ginsiling sini nga na pabalo na niya si President Duterte natuhoy sa pag aresto kay Nader Essam Assaf, isa ka Lebanese national. Samtang ginapatihan nga ang asawa sini nga si Mona ang yara naman sa Syria kag wala pa madakpan.
Sa nahibaluan nga ang mag asawa amo ang gina tudlo nga responsable sa pagpatay kay Joanna Daniela Denafelis, 29 anyos sang Sara, Iloilo.
Ginkalipay naman sang Malacañang ang amo nga balita nga mangin una nga tikang para sa paghatag hustisya sa kamatayon sang aton kasimanwa nga si Joanna.
