Dalaga dakop sa buybust

BACOLOD CITY – Isa ka dalaga ang nadakpan sa ginpatigayon nga drug buy bust operation sa Purok Starapple, Brgy. 27, Bacolod City may mga las 3:08 kahapon sang hapon.

Ang suspek ginkilala kay Princess Viajedor, 27 anyos ang edad, dalaga kag pumuluyo sang amo nga lugar.

Ang buy bust operation ginpatigayon sang Intel Operatives sang Police Station 4 sa pagpanguna ni Police S/Insp. Rey Tolosa.


Nadakpan si Princess matapos niya gindaho sa police nga nagserbe poseur-buyer ang isa ka small heat-sealed plastic sachet sang suspected shabu kabaylo sang P500 pesos.

Narecover sa possession sang suspek ang anum tanan ka sachet sang suspected shabu, drug paraphernalia kag P500 pesos nga cash.

Sa karon detained na sa custodial facility sang Police Station 4 ang nadakpan nga suspek./dyHB BACOLOD

Facebook Comments