Davao City – Nagpatabang sa Presinto 5 ang usa ginang human nga gikulong ang iyang apo nga dalaga sa iyang boyfriend kagahapon adlawa.
Nangayo og ayuda sa kapulisan mao si Elizabeth Rubin,57 anyos, ug nagpuyo sa Celerina Village, Cabantian aron masalbar ang iyang apo nga gipadlakan sa apartment sa iyang boyfriend nga si Kristofferson Lunson.
Gisaysay sa lola nga nanawag kaniya ang iyang anak nga inahan sa biktima ug nagpahibawo nga gikulong ang dalaga sa iyang uyab 2:00 sa hapon.
Naglisod matud pa sila og paglokar sa nahimutangan sa biktima rason nga midangop sila sa kapulisan sa Buhangin aron masayod kini kung asa nga apartment gitrangkahan ang biktima.
Nanubay na karon ang mga otoridad sa nahimutangan sa biktima aron marescue ug masikop ang suspek nga boyfriend.
RadyoMaN Joel Viray
