Pagadian City – Nagtibi nga nagpalaban sa buhatan sa kapulisan ning syudad sa Pagadian ang 28 anyos nga dalagang nurse nga ulahing biktima sa pagpanglabni og bag sa dakbayan.
Alas 10:50 kagabii, nitaho sa kapulisan ang biktima nga si Jessa Mae Sisican Janiola, residente sa Brgy. San Pedro, Pagadian City.
Sumbong sa dalaga , nga samtang nagbaklay siya niadtong oras sa Pulmones street., Brgy. San Pedro kalit nga nibabag sa iyang atubangan ang single motor nga walay plaka numero og ang sakay nga lalaki nga nagsul-ob og jacket color brown maoy nilabni sa iyang sling bag.
Natangag sa suspek ang bag sa biktima nga gisudlan sa huawie nova lite nga mokantidad sa P10,000, Ipod nga mobalor sa P10,000 ug kwarta nga usa ka libo.
Human sa hitabo daling nisibat ang suspek paingon sa wala matino nga lugar
