Dalaga nga naala-an gipusil

33

Pagadian City – “Naala-an”, kini ang gisundan nga motibo sa kapulisan labot sa nahitabong pagpamusil sa Boarding House nga nahimutang sa Purok Aquino, Brgy. Santo Niño ning syudad sa Pagadian pasado alas 11:50 sa nakalabay nga gabii.
Giila ang biktima nga si Kristel Jade Saavedra Busmion aka “Jade”, 19 -anyos, dalaga, estudyante sa J.H. Cerilles State College ug lumulupyo sa Sitio Tagimtim, Lombog, Poblacion Margosatubig, Zamboanga Del Sur.
Samtang padayon usab nga gipangita ang suspek nga si Abner Antigal Sogo, 39-anyos, usa ka land surveyor ug residente sa Brgy. Santo Niño ning dakbayan nga daling nisibat human sa pagpamusil.
Sa inisyal nga imbestigasyon nasayran nga samtang niduaw sa iyang classmate sa Sogo Boarding House ang biktima kalit kining gipusil sa suspek.
Nagpatabang ang biktima sa iyang hinigugma gumikan sa igo pinusilan sa tiyan rason nga gidala sa pribado nga ospital.
Wala pa masuta ang gigamit nga armas sa suspek kay walay ebidensya nga nakuha sa dapit nahitaboan.

Facebook Comments

From Advertisers