Dalagang nasikop sa buy bust kanhing nag surrender

16

General Santos City—Gikumpirma ni Police Senior Inspector Benjie Ancheta, Hepe sa Alabel Municipal Police Station nga kanhi nang nag surface sa ilang buhatan ang usa ka dalaga nga ilang dinakpan nga si Pearl Joy Yaresi, 19 anyos, lumulopyo sa may Purok Bitus, barangay Poblacion, Alabel,Sarangani Province.

Kahinumduman nga bandang alas 7:30 sa gabie niadtong nakalabayng adlaw una nang nasikop si Yaresi sa hiniusang pwersa sa Alabel PNP ug PDEA 12 asa nakuha sa posisyon sa nahisgutan ang usa ka sachet sa gituohang shabu ingon man marked money nga P1000.00.

Gikabutyag nga human mitahan sa iyang kaugalingon dungan sa pagsaad nga undangan na ang droga, pila ka bulan ang nakalabay, subli kining mibalik sa iyang bisyo butang nga namonitor sab sa kapulisan.

Tungod niini subling gipailawom sa surveillance ang maong babaye ug dihang nakumperma nga nagapamaligya nasad kini ug droga, gipahigayonan ug operasyon ang nasangpit nga miresulta sa pagkasikop niini.

Una nang gikumperma ni PSI Ancheta nga hingpit nang napasakaan ug kaso kalapasan sa R.A 9165 ang nahisgutang dalaga.(Ray Sabillo)

Facebook Comments