Isinailalim na sa quarantine sina Sacramento Kings center Richaun Holmes at Houston Rockets power forward Bruno Caboclo matapos aksidenteng umalis sa Disney World Campus sa Orlando, Florida.
Sa isang pahayag, sinabi ni Holmes na lumampas ito sa campus line para kunin ang food delivery, habang umalis naman sa kaniyang kwarto si Caboclo sa kasagsagan ng initial quarantine period matapos makarating sa Orlando.
Nabatid na batay sa patakaran ng NBA, sinumang mahuhuling lumabas sa campus nang hindi awtorisado o lalabag sa initial quarantine period ay sasailalim sa re-entry protocols ng liga.
Dahil dito, kinakailangang dalawang beses na sumailalim sa COVID-19 test ang mga players at mag-negatibo para makalahok muli sa mga aktibidad.
Facebook Comments
