Damyos sa Bagyong Crising sa Baganga ginasuta

59

Davao Oriental – Padayon karon ang ginahimong Rapid Damage Assessment (RDA) sa Municipal Disaster Risk Reduction and Management Office (MDRRMO) sa Baganga, Davao Oriental tungod sa epekto sa Bagyong Crising.

Sa interbyu sa DXDC RMN Davao kang Noel Pregon, Baganga MDRRMO Officer, gibutyag niini nga apektado sa bagyo ang mga barangay sa Baganga diin adunay mga nadamyos nga mga punoan sa kahoy ug saging, ug aduna mga naguba nga mga bangka ug balay ilabi na sa mga coastal barangays.


“Kasagaran sa mga damage sa agriculture, saging ug mga falcata nga nangatumba. Tapos sa coastal, ang mga bangka, mga balay,” butyag ni Pregon.

Walay natalang casualty apan adunay reported nga tulo ka tawo nga missing gikan sa Barangay Kinablangan nga padayong girespondehan sa awtoridad. Samtang luwas nga nakauli sa ilang panimalay ang unang gika-report nga na-missing nga duha ka mananagat.

Dugang sa MDRRMO official, hinay-hinay na usab nga nakauli sa ilang panimalay, ang mga gihikling nga mga residente sa evacuation centers atol sa kalamidad.

RadyoMaN Kirby Manzon



Facebook Comments