DAR Secretary Atty. John Castriciones, mangin dinapit nga bisita sa awarding sang CLOA sa Capiz!

Roxas City, Capiz – Natalana nga magabisita sa probinsya sang Capiz sa maabot nga Marso 22, 2021 si Department of Agrarian Reform(DAR) Secretary Atty. John Castriciones.
Ginpahayag ni Provincial Agrarian Reform Program Officer II Anthony Arostique, OIC sang DAR Capiz nga nga pangunahan ni Castriciones ang igapatigayon nga awarding sang Certificate of Land Ownership Award ukon CLOA sang mga benepisaryo sang duta sang Nemesio Tan Landholdings nga nahamtang sa dulonan sang Barangay Culilang, President Roxas kag Barangay Dulangan kag Barangay San Esteban, Pilar, Capiz.
Aminado si Mr Anthony Arostique nga indi nangin madali ang proseso antes nga mahatag sa mga benepisaryo ang CLOA nga para sa ila. Kadungan sini, iya man nga ginpunto nga ginahimu lamang sini kun anu ang mando nga ginpaguha sang Office of the President.
Sa madumdoman nga madugay na nga may nagapatunga nga kumplikto sa tunga sang mga mangunguma nga nagahawid sang Certificate of Land Ownership Award ukon CLOA kag sa kampo sang Nemesio Tan Landholdings.
Samtang magluwas diri, magabaton man sang CLOA ang mga benepisaryo halin sa anum(6) ka mga banwa sa Capiz.
Ini ang ginalakipan sang mga beneficiaries sang Locsin Property sa banwa sang President Roxas kag 212 pa ka iban pa nga halin sa banwa sang Maayon, Pontevedra, Sigma, Sapian kag Dao.
📷 – DAR Provincial Office Capiz

Facebook Comments