Dati a Bokal, Mayor Pacifico "Pacing" Velasco iti Bacarra, pimusayen

Ilocos Norte – Pimmusayen ti dati a Bokal ti probinsya ti Ilocos Norte ni Pacifico Velasco, 78, itay bigat sadiay Mariano Marcos Memorial Hospital alas 5:30 ti bigat.

Makalawas a nagyan ti ospital ni Velasco iti sakit na a maipagarup a ‘Prostate Cancer’ – stage 4.

Ni Velasco ket nagserbi a bokal ti probinsya iti maysa a termino, tallo a termino kas mayor ti Bacarra ken maysa a termino kas bise mayor iti nasao met laeng nga ili.


Malagip, naibalud isuna ti nabayag gapu ti kaso na maipanggep ti ‘Multipas rice-mill issue’ iti Bacarra, angem, nakaruar babaen ti pardon gapu ti kinalakayna.

Nupay nu kasta, saan a malipatan dagiti taga Bacarra iti serbisyo nga impaayna iti ili a makita kadagiti naipasana a linteg ken narway a proyekto para iti kailianna.

Bernard Ver, RMN News

Facebook Comments