Kinumpirma ng Senado na isinugod sa ospital si dating DPWH-Bulacan District Engineer Henry Alcantara noong Lunes.
Ayon kay Senate-Sergeant-at-Arms Ret. Police Major General Mao Aplasca, iniinda ni Alcantara ang sakit sa kaniyang dibdib kaya dinala ito sa Pasay Medical Center para masuri at maisailalim sa ECG at iba pang tests.
Lumabas naman sa resulta ng pagsusuri na muscle spasm lamang ang naramdaman ni Alcantara at agad ding ibinalik sa Senado sa parehong araw.
Hanggang sa mga oras na ito ay nananatiling normal at maayos naman ang kalagayan ni Alcantara.
Tiniyak ni Aplasca na regular ang check-up ng Senate Medical Team sa lahat ng mga detainees at araw-araw ding mino-monitor ang kanilang status.
Kasama ni Alcantara na naka-detain sa mataas na kapulungan matapos na ma-contempt ay sina dating Assistant District Engineer Brice Hernandez, Engr. Jaypee Mendoza at ang contractor na si Curlee Discaya.
