KALIBO, AKLAN — Padayon makaron nga ginabueong sa sangka pribadong hospital si dating Punong Barangay it Linabuan Norte, Kalibo ag Ex-Officio member it Sangguniang Bayan, Ananias “Antoy” Zolina y Villaruel, 60-anyos ag residente it nasambit nga barangay matapos nga makaangkon it daywa ka mga tama it pagbaril.
Base sa record it Kalibo PNP natabo rong insidente mga alas 11:45 kabii sa may Veterans Avenue, Kalibo samtang sakay imaw it Honda Accord tag barilon it uwa pa makilaeang suspek halin sa likod kung sa siin inigo ra sa waea nga alima ag batiis.
Naka adto pa man imaw it Provincial Hospital para nga magpabueong pero ko ulihi nagpa transfer daya sa pribadong hospital.
Padayon pa makaron rong imbestigasyon it mga kapulisan para matumod kung ano rong rason ag sin-o ro mga responsible.
