Davao boxers namalhin

Davao City – Wala nay lokal nga talento ang dakbayan sa Davao human namalhin na ang mga batan-on nga boksidor ngadto sa ubang lugar.

Sumala ni Brgy. 5-A Kapitan Edgar Ibuyan Sr., usa ka boxing promoter, nga kaniadto niyang gisugyot nga magmugna og boxer’s training house dinhi sa Davao apan walay igo nga budget ingon man lugar kung aha kini itukod.

Giklaro ni Ibuyan nga kaniadto adunay mga boksidor dinhi apan namalhin na sa mga syudad sa Panabo ug Tagum human gi-okuparan na ilang training room diha likod sa Davao City Recreation Center kanhing Almendras Gym.


Sa pikas bahin, gi-awhag ni Ibuyan ang katawhan nga mutambong ug mutan-aw sa live feed sa dula nila ni Philippine boxing Champ Manny Pacquiao ug Argentinian boxer Lucas Mathysse ugmang adlawa diin libre kini sulod sa Bankerohan Gym.

RadyoMaN Jason Amisola

Facebook Comments