Davao City Fire District nagpahimangno nga ipa-inspeksyon ang mga linya sa kuryente

22

Davao City- Nagpahimangno ang Davao City Fire District sa publiko nga ipa-inspeksyon sa mga certified electricians ang tanang linya sa kuryente aron malikayan ang sunog.

Sa interbyu sa DXDC RMN Davao kang Fire Supt. Alex Pamaybay labaw sa Davao City Fire District, gibutyag niini nga sagad gihapong hinungdan sa mga sunog sa dakbayan tungod sa electrical problem.


“Makalimot ang mga tawo ilabina sa mga squatters area na dapat diay once na magpa-improve na ta sa atong balay ipa-rewire nato atong respective nga mga balay, nakalimtan nato na kay nagkadaghan atong mga appliances, kinahanglan nato ng ipa-check,” sumala niini.

Sumala ni Pamaybay, kinahanglan nga sa certified o rehistradong electrician ang mosusi aron adunay kapangitaan sa higayong dunay problema sa ilang mga installations o inspeksyon.

Niadtong Semana Santa, duha ka mga sunog ang nahitabo sa dakbayan nga parehong electrical problem.

Mobalor sa P600K ang danyos sa sunog sa Bankerohan diin 25 ka mga establisyemento ang nasunog niadtong Abril 1, samtang P100K ang danyos sa nasunog sa boarding house sa Boulevard niadtong Abril 4.



Gipakusagan sa Bureau of Fire Protection (BFP-XI), ang kampanya kontra sunog ilawom sa Oplan on the Road ug Education and Information dissemination sa social media.


RadyoMan Aimee Guinita

Facebook Comments