Davao City nakatala og 32 COVID-19 cases, Davaoeños nabalaka

33
Davao City – Hinay-hinay na nga nasinati sa Davaoeños ang pagsaka sa kaso Coronavirus Disease 2019 (COVID-19) dinhi sa syudad sa Davao.

Sa datus sa Department of Health (DOH) Davao Region base sa January 4, 2022, nakatala ang Davao Region og 45 ka kaso sa COVID-19 diin 32 niini gikan sa Davao City, 3 gikan sa Davao de Oro, 6 gikan sa Davao del Norte ug 4 gikan sa Davao del Sur. Samtang, muabot usab sa 5,434 ang natalang kaso sa COVID-19 kagahapong adlawa sa tibuok Pilipinas.

Matud sa netizen nga si Spidey Peter Web, taas ang gisaka sa kaso kagahapong adlawa, kung itandi sa 18 cases nga natala sa Davao niadtong Lunes (January 3, 2022).

Kumedya usab sa netizen nga si Anglo Jr. T Jonathan nga magtigom na siya og tambal ilabina sa mga report nga nagkulang na ang Paracetamol ug uban pang tambal alang sa flu-like symptoms.

“Mag hoard na tag tambal basig mahutdan ta,” kumento ni Jonathan sa DXDC RMN Davao Facebook post.

Una nang nagpasidaan si Davao City Mayor Sara Duterte-Carpio, posibleng magbaton og surge sa COVID-19 cases sa ika-tulo o ika-upat nga semana karong bulan sa Enero tungod sa holiday gatherings butang nga gipangandaman na usab sa lokal nga panggamhanan.



RadyoMaN Kirby Manzon

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments