Davao City Police District ginaprepara

33

Davao City – Ginaprepara na karon ang pormal nga komunikasyon ngadto sa Philippine National Police (PNP) kabahin sa expansion sa Davao City Police Office (DCPO) gikan sa pagka-Police Office ngadto sa pagka-Police District susama sa Quezon City Police District (QCPD). Sumala ni DCPO Chief Senior Superintendent Alexander Tagum sa gipahigayong AFP-PNP press conference karong adlawa, aduna silay mga konsiderasyon kabahin sa pagpalapad sa ilang sakop sama sa nagkadaku nga populasyon dinhi sa syudad sa Davao. “Kinakailangan na po nating palakihin ang Davao City Police Office in preparation sa expansion of our city into a major metropolis similar to Metro Manila,” segun ni Tagum. Gani, aduna nay mga lugar nga naila nga dugangan og police stations sama sa Talomo, Sta. Ana, San Pedro ug Buhangin gumikan sa nagkadaghang panimalay ug business establishments. May dugang usab nga minimum 1,700 ngadto sa 2,000 ka mga personahe aron makumpara sa QCPD. “We have received feedbacks coming from the headquarters particularly from our Chief PNP they are favorable sa proposal ng local police and the endorsement given by the Sanguniang Panlungsod ng Dabaw and the City Peace and Order Council headed by our honorable city mayor,” dugang ni Tagum. Malaumon ang hepe sa DCPO nga mahitabo ang maong expansion sulod sa duha ka tuig gikan karon diin pangulohan na kini og usa ka Police Superintendent. RadyoMaN Jason Amisola tags: dxdc 621 davao

Facebook Comments