Davao City posibleng ulanon karong adlawa

Davao City – Nagpahinumdom karon ang Philippine Atmospheric, Geophysical and Astronomical Services Administration kun PAG-ASA Davao ngadto sa mga dabawenyo nga dili kalimtan nga magdala og payong o pandong sa dihang mugawas sa panimalay tungod posibleng ulanon ang syudad karong adlawa. Gipahimangnoan daan ang dabawenyo kabahin sa panahon karon ilabi sa mga buot mugawas ug makigduyog sa Parada Dabawenyo subay sa selebrasyon sa 81st Araw ng Davao. Sa pakighinabi sa DXDC RMN Davao kang Roland sa PAG-ASA Davao, gisaysay niini ang lakat sa panahon alang karong adlawa base sa PAG-ASA nga Public Weather Forecast diin nakaapekto karon sa nasud ang *Easterlies.* “Ang tibuok dapit sa Mindanao makasinati sa panalagsang pagdag-um ngadto sa madag umon nga kalangitan inubanan sa pat-ak pat-ak ug hamubo nga pag ulan tungod sa localized thunderstorms. Adunay hinay ngadto sa kasarangan nga hangin ang magagikan sa Sidlakan ngadto sa Amihanang sidlakang direksyon ug hapsay ngadto sa kasarangan ang pagbalud sa kadagatan,” sigun ni Roland sa PAG-ASA Davao RadyoMaN Renz Barbarona tags: DXDC 621 RMN Davao

Facebook Comments