Davao City Tourism Office: Bakuna usa una walaon ang travel requirements

63

*Davao City* – Dili uyon ang City Tourism Office (CTO) sa sugyot nga wagtangon na ang requirements nga travel authority ug medical certificate sa mga biyahero.

Sa interbyu sa *DXDC RMN Davao* kang Generose Tecson, CTO Head, gibutyag niini nga mamahimo lamang nga wagtangon ang maong mga rekisitos kung nabakunahan na batok Coronavirus Disease 2019 (COVID-19) ang usa ka indibidwal, sa rason nga masigurong luwas ang nahisgutan sa risgo hatud sa maong makatakud nga balatian.


Matud ni Tecson, susamang sistema nga gikonsidera sa wala pagtugot sa face-to-face classes kung dili pa magbaton og vaccine rollout sa nasud.

Atong paminawon ang pamahayag ni City Tourism Head, Generose Tecson.

*”Personally, okay lang po na mawala ‘yung travel authority at saka yung medical health certificate pag, unless vaccinated po. Kagaya po ng stand ng presidente (Rodrigo Duterte). Di ba ayaw niya ng face-to-face (classes) until vaccinated. That would be my stand also,”* tataw ni Tecson.

Dugang sa CTO Head nga mamahimong kawang ang pagpaningkamot sa matag Local Governement Unit (LGU) sa pag kontrola ug pag-manage sa ilang COVID-19 cases kung mahimong wagtangon ang maong mga rekisitos.



Sukwahi usab ang reaksyon ug opinyon sa netizens, diin majority kanila ang mipabor sa pagwagtang sa rekisitos sa biyahe tungod kay kini dugang kuti labi na ang pag proseso sa mga rekisitos.


RadyoMaN Kirby Manzon

Facebook Comments