Davao COVID-19 cases sagad local transmission

18

Davao City – Pinakadaghan gihapon sa mga natalang kaso sa COVID-19 sa dakbayan sa Davao mao ang local transmission.


Sa interbyu sa DXDC RMN Davao kang Dra. Marie Yvette Barez, Infectious Diseases Specialist Southern Philippines Medical Center (SPMC), gibutyag niini padayon ang pagtakod-takod sa COVID-19 tungod sa ubos gihapon nga compliance sa katawhan sa health protocols sama sa dili insaktong pagsu-ot sa face masks ug walay mga social distancing.

“Sakoang tan-aw ba mura’g dili sila serious kay dili man gyod sila musunod. Musunod lang sila tungod kay naay pulis or tungod kay dakpon sila ni Mayor which is wrong nga perception gani. It should be worn to protect yourself, ” sumala ni Barez.

Gibutyag ni Barez nga kadaghanan sa mga pasyente asymptomatic.

Samtang adunay mga kaso nga usa ka pamilya nga nataptan sa COVID-19 diin sumala niini, kung taas ang risgo nga exposed ang usa ka indibidwal, angayang mas pahugtan pa niini ang proteksyon ug seryosuhon ang mga minimum health standard ilabina kung anaa kini sa gawas.

RadyoMaN Aimee Guinita

Facebook Comments