Davao COVID-19 immunization ordinance gi-amiyendahan

46

Davao City – Pipila ka mga ordinansa sa syudad sa Davao ang gipasar sa konseho atol sa 4th Regular Session via Zoom sa 19th City Council of Davao kagahapong adlawa (Enero 26, 2021), diin usa na niini ang pag-amyenda sa Coronavirus Disease 2019 (COVID-19) Immunization Program of Davao City.

Gisaysay ni Committe on Health Chair Councilor Mary Joselle Villafuerte nga sa Section 4 ilawom sa ordinansa, nagbutyag nga ang vaccination wala naglimita sa mga Davao residents kundili sa tanang indibidwal nga anaa sulod sa dakbayan nga intresado usab nga magpabakuna ug apil sa grupo nga unang i-prayoridad niini.


“This covers all residents of Davao City as well as non-residents who may be found within the jurisdiction of the city and may wish to avail of the vaccination while they are here,” matud ni Villafuerte.

Segun ni Villafuerte nga sundon sa lokal nga gobyerno ang mga requirements ug guidelines sa angay bakunahan nga gikan sa national government pinaagi sa Department of Health (DOH), Inter-Agency Task Force (IATF), ug National Task Force (NTF) against COVID-19.

Gidugang usab ilawom sa ordinansa ang Concurrent Immunization and Post Immunization Monitoring and Assessment Protocol o ang pag-monitor sa mga indibidwal human kini mabakunahan.

RadyoMaN Kirby Manzon




Facebook Comments