Davao COVID-19 TF gi-intensify ang aksyon konta Delta variant

34

Davao City- Mas agresibo ang gilusad nga mitigating measures o pagkontrola sa pagkaylap sa COVID-19 variants of concern partikular na Delta variant sa Davao City.

Segun ni COVID-19 Task Force spokesperson Dra. Michelle Schlosser, nagpadayon ang retracing sa mga closed contacts sa dugang duha ka mga nakarekober na nga COVID-19 nga pasyente kinsa mga nagpositibo sa Delta variant.


Gibutyag ni Schlosser, ang ikaduhang delta case sa syudad usa ka 47 anyos nga lalaki, COVID-19 positive-asymtomatic kinsa gi-swab kini niadtong Hulyo 7, 2021 human na-expose sa usa ka positive COVID-19 patient ug naka-first dose na kini sa COVID-19 Sinovac vaccine.

Gisumite ang iyahang specimen niadtong Hulyo 15 ug nigula ang resulta sa whole genome sequencing diin nagpositibo kini sa Delta variant niadtong Hulyo 29.

Matud ni Schlosser tanang closed contacts niini negatibo sa COVID-19 ug nagpadayon ang gihimong retracing, swabbing ug subling pagpailawom sa quarantine kanila.

Samtang ang ikatulong kaso sa delta variant sa syudad usa ka 36 anyos nga babae kinsa dili pa bakunado.



Gisumite usab ang iyahang specimen para sa genome sequencing niadtong Hulyo 15, 2021 ug nigula nga positibo kini sa Delta variant niadtong Hulyo 29, 2021.

Gibutyag ni Schlosser, usa sa mga closed contacts niini, ang nagpositibo sa COVID-19.


Mandatory nga gipailawom sa isolation ug swabbing sa delta patient ug tanang closed contacts gikan F1-F3 closed contacts.

Matud ni Schlosser aron mapugngan ang pagdaghan ug pagkalat sa COVID-19 variants of concern dili na hulaton karon ang resulta sa mga gipangsumiteng specimen alang sa genome sequencing ug gipaspasan pa sa syudad ang pagaksyon kontra sa mga variants of concern.

“Even if wala pa pong result sa genome sequencing we will be treating that case as delta para outright ma contact tracing na natin at ma-isolate ang closed contacts even before the result comes to us. Medyo matagal kasi ang result sa WGS,” segun niini.

RadyoMaN Aimee Guinita

Facebook Comments