Davao City – Daghan ang nabakanteng COVID-19 beds dakbayan sa Davao human nga taas ang ihap sa recoveries.
Sa datos sa Department of Health Region XI, nakatala og 10,181 recoveries ang syudad sa 12, 109 sa total cases.
Gibutyag ni Dr. Ashley Lopez, City Health Office chief ug Davao COVID-19 focal person, adunay kapin 2,000 ka mga COVID-19 beds ang dakbayan, 16 ka mga Isolation units nga anaay 1,500 ka mga beds, 10 ka mga quarantine facilities nga naay 500 ka mga beds ug usa ka pay facility.
Apan, segun niini nagpabilin gihapong suliran ang bed capacity sa Southern Philippines Medical Center (SPMC), tungod dinhi gihapon ma-admit ang anaa sa 90-95% sa mga pasyenteng COVID-19 moderate, severe ug critical.
Wala pa usab nakaabot sa 20% required sa DOH nga COVID-19 bed allocation ang mga private hospitals sa syudad.
Segun ni Lopez, 10% pa lang ang gigahin nga COVID-19 beds sa 19 ka mga pribadong ospital sa Davao.
RadyoMaN Aimee Guinita
