Davao crime rate miubos

Davao City – Mikunhod matud pa ang crime rate sa unang semester sa 2018 kun itandi sa tuig 2017.

Atol sa gipahigayong Kapehan sa Dabaw sa adlaw’ng Lunes, gibutyag ni Police Regional Office 11 (PRO-XI) Regional Director Police Chief Supt. Marcelo Morales nga aduna lang 23 ka mga insidente sa krimen ang natala matag 100-mil ka populasyon karong tuiga, mas gamay sa 35 nga natala sa unang semester sa tuig 2017.

“Compared sa iba’t ibang Police Regional Office sa Pilipinas, isa tayo sa may pinakamababang crime rate,” pamahayag niini.


Sa pagkunhod sa crime rate, mitaas usab ang crime solution efficiency pinaagi sa pagpasaka og kaso sa mga suspetsado diin kini misaka sa 73.6% gikan 72.83% sa tuig 2017.

Subay usab sa pagsaulog sa 24th National Crime Prevention Week, nag-organisa og 175 ka mga personahe gikan sa PNP si Morales aron mupatrolya kausa matag semana depende asa i-deploy sa City Director.

“Rekomendasyon ka kay DCPO Director Alexander Tagum to select crime-prone areas or vulnerable areas para ma-cover natin yung mga weak spots dito sa area,” segun niini.

RadyoMaN Jason Amisola

Facebook Comments