Davao de Oro nagpagawas og Executive Order batok mass gatherings tungod sa pagtaas sa COVID-19 cases

346

Davao de Oro – Nagpagawas karon og executive order No.0023 series of 2021, ang kagamhanang probinsya sa Davao de Oro nga naglimita sa publiko sa pagpahigayon og mass gatherings tungod sa padayong pagtaas sa kaso sa Coronavirus Diseases (COVID-19).

Subay sa maong kamandoan hugot nga gidili ang face to face gatherings sama sa fiesta, reunions, testimonial programs, summer outing, inauguration, blessing, anniversary, ribbon cutting, press conference, oath taking programs, organized race and sports events, sabong (walay labot online sabong ) ug uban pang kalihokan.


Bugtong gitugotan ang roll out of vaccination program, COMELEC Registration ug Philippine National ID system apan hugot nga ipatuman sa kapolisan, ang health minimum standard aron mapakgang ang pagtaas sa kaso sa Covid-19. Samtang si Davao de Oro Vice Governor Maricar Zamora nagpositibo sa COVID-19 human migawas ang resulta sa iyang swab test.

Kapolisan ug kasundalohan gimandoan nga ipatuman ang hugot nga monitoring sa mga residente kung nagsunod sa mando sa IATF.

RadyoMaN Jules Catisay

Facebook Comments