Davao de Oro plebiscite gipangandaman

49

Davao City – Gikatakdang makipag-alayon ang probinsya sa Compostela Valley (ComVal) ngadto sa Commission on Elections (COMELEC) alang sa ipahigayong plebisito o eleksyon sa pag-ilis sa pangalan sa ComVal ngadto sa Davao de Oro.

Sa interbyu sa DXDC RMN Davao kang Jayvee Tyron L. Uy, ComVal governor, gibutyag niini nga wala pay eksaktong petsa apan gilaumang karong tuiga ipahigayon ang plebisito diin ang COMELEC ang maoy manguna sa maong himuong pagboto sa katawhan.


“We will be going to the office of the COMELEC para mo-shed light sa schedule sa himuon nga plebisito. So, hopefully this year mahitabo na,” saysay ni Uy.

Una nang gikalipay sa gobernador ang pagpirma ni Pangulong Rodrigo Duterte sa Republic Act 11297 o ang balaod nga mag-usab sa pangalan sa Compostela Valley Province ngadto sa Davao de Oro.

Nasayran nga bugtong ang ComVal lamang ang probinsya sa Davao region nga wala nagbaton og ‘Davao’ sa pangalan niini.

RadyoMaN Kirby Manzon

Facebook Comments

From Advertisers