Davao fire: P13-M damyos, 4 patay sukad Enero 2021

62

Davao City – Nakatala og 24 na ka mga sunog ang Davao City Fire District sukad niadtong Enero 2021.

Mobalor sa P13M ang damyos sa sunog ug nikalas kini og upat ka mga kinabuhi.


Sa interbyu sa RMN Davao kang SFO4 Ramil Gillado, Intelligence and Investigation Section chief sa Davao City Fire District, sagad matigayon ang mga sunog sa residential areas ug electrical gihapon ang nag-unang rason sa mga sunog.

Aron malikayang wala nay casualty, tambag ni Gillado nga sayron asa ang mga gawsanan sa mga balay o gambalay ug atol sa sunog dili na pugson pa nga palungon ang kalayo.

Segun ni Gillado, suffocation ug pagka-trap ang rason sa pagkamatay sa mga biktima busa sa mga pamilya kinahanglang paniguraduhon ang safety sa mga tigulang o adunay mga sakit sa panahon sa mga emerhensiya.

RadyoMaN Aimee Guinita




Facebook Comments