Davao gov’t buildings luwas human sa linog

25

Davao City – Gikumpirma sa Davao City Engineer’s Office (CEO) nga ‘safe for occupancy’ kun luwas ang mga government buildings/offices sa syudad sa Davao human sa 7.1 magnitude nga linog niadtong Huwebes (Enero 21, 2020) nga misentro sa Jose Abad Santos (JAS), Davao Occidental.

Kini ang gibutyag ni Atty. Joseph Dominic Felizarta, Head sa CEO, sa interbyu sa DXDC RMN Davao, human sa ilang gihimong Rapid Damage Assessment.


Matud ni Felizarta, gilayong ilang gihimo ang inspeksyon sa Sangguniang Panglungsod (SP) Building, City Hall, City Hall Annex, CSWDO (City Social Welfare and Development Office) Buildings, diin ilang gideklarang luwas nga magamit ang maong mga gambalay.

“Nahuman na ‘mi (sa Rapid Damage Assessment). Safe man siya for occupany tanan. Naay mga headline cracks lang pero mga daan man ang uban,” segun ni Felizarta.

Gibutyag usab ni Felizarta nga luwas usab ang mga buildings nga gihimo isip Temporary Treatment and Monitoring Facilities (TTMFs) kun isolation facilities sa COVID-19 (Coronavirus Disease 2019) patients.

Samtang, matud sa opisyal nga ang Office the Building Official (OCBO) usab ang nagpahigayon og inspeksyon sa mga pribadong gambalay sa dakbayan.




RadyoMaN Kirby Manzon

Facebook Comments