Davao hospitals: negative RT-PCR, X-ray ‘required’ na

43

Davao City – Gimando karon ni Davao City Mayor Sara Duterte-Carpio sa mga hospital sa syudad sa Davao nga mag require na og negative RT-PCR (Reverse transcription-polymerase chain reaction) test ug negative X-ray result sa Pneumonia sa mga pasyente for admission ug surgery.

Subay sa gipagawas nga Executive Order (EO) No. 53 Series of 2020, nakalatid nga ma-apply kini sa pasyinte, watcher ug kauban sa pasyinte nga bisan og dili residente sa Davao City.

Angay nga magbaton ang nahigsutan og negative RT-PCR result with specimen ug Chest-Xray nga negative sa Pneumonia nga nakuha sulod sa 24 to 48 hours gikan sa admission o surgery.

Tumong niini nga maprotektahan ang mga health care workers batok COVID-19 sa mga individual nga posibleng expose ug nagdala sa virus.

Alang sa walk-in consultation, gi-awhag ni Duterte-Carpio nga magmugna usab og palisiya ang mga hospital sa dakbayan nga mag-request usab og negative RT-PCR test ug negative X-ray result sa pasyinte ug sa kauban niini.

RadyoMaN Kirby Manzon

Facebook Comments