Davao parks isip vaxx sites hangtud na lang June

22
Davao City – Gibutyag sa Davao City Coronavirus Disease 2019 (COVID-19) Task Force (TF) nga hangtud karong bulana na lang (Hunyo) ang pag-operate sa People’s Park and Crocodile Park isip COVID-19 vaccination sites/hubs.

Sumala ni Dr. Michelle Schlosser, tigpamaba sa Davao City COVID-19 TF (sa interbyu sa city-owned radio), ginahan-ay na karon ang pagbutang sa vaccination program sa 18 ka health districts ug 182 barangay health centers sa dakbayan sa Davao.

“What is clear is naay mandate na i-close down ang People’s Park and Crocodile Park. Mao nay klaro,” sulti ni Schlosser.

Nag-awhag ang health official sa katawhan nga i-avail na ang serbisyo, samtang abli pa ang duha ka parks.

I-anunsyo lang usab sa COVID-19 TF ugaling ibalhin na usab ang pagbakuna gikan sa mga malls padulong sa district health offices o barangay level.

RadyoMaN Kirby Manzon

Facebook Comments