Davao public markets abri gihapon sa Domingo human sa nagpositibong vendors sa Agdao

23

Davao City – Magpabiling abri ang mga public market sa dakbayan sa Davao luyo sa siyam (9) ka vendors sa Agdao Public Market nga nagpositibo sa Coronavirus Disease 2019 (COVID-19) human sa gihimong surveillance swabbing.

Gipasabot ni Davao City Mayor Sara Duterte-Carpio nga dili opsyon sa kasamtangan, ang pagpasirado sa mga palengke labi na nga hinay-hinay pang nakarekober ang maong mga negosyante gikan sa epekto sa pandemya.


“Ang atoang economic lifeline, we will open it (public markets) until the very last minute nga kinahanglan na siya isarado. So that is not the first option para sa atoa sa pagkakaron,” segun sa Alkalde.

Gikanayon sa Mayor nga kinahanglan lamang nga paspasan ang pagpahigayon og COVID-19 testing ug contact tracing samtang padayon ang operasyon sa mga palengke.

Aduna nay nakalinyadang schedule sa mga lugar partikular na kadtong high-risk areas alang sa paspas nga surveillance lakip na ang mga palengke nga risgo sa COVID-19, aron mapangandaman ug malikayan usab ang pagbaton og surge sa COVID-19 cases.

Kahinumduman nga niadtong milabay nga semana, anaa sa 300 ka indibidwal sa Agdao ang gi-test diin sa maong ihap, 9 ang nag positibo nga pulos asymptomatic.



Ginahulat na lamang usab ang rekomendasyon sa health group ilawom sa City Health Office (CHO) kung temporaryong isirado ang Agdao palengke, samtang aduna pay ginapahigayon nga additional testing sa lugar.


“Last week nag surveillance swabbing ‘ta diha sa Agdao. We’re able to test around 300 (individuals). Aduna ‘tay nakit-an 9 kabuok (positive). All asymptomatic and one even nakakuha na sa iyang first dose sa bakuna because she works sa health center sa Agdao,” matud ni Duterte-Carpio.

RadyoMaN Kirby Manzon

Facebook Comments