Davao RT-PCR/antigen requirement sa pagkuha’g health card giwagtang na

73
Davao City – Dili na required ang pagbaton og RT-PCR (reverse transcription-polymerase chain reaction) o Antigen test kung magkuha og health card sa Davao City Health Office (CHO).

Gikanayon ni Davao City Mayor Sara Duterte-Carpio (sa interbyu sa city-owned radio), kini human nga gipasar sa Davao City COVID-19 Task Force ang resolusyon nga dili na himuong rekisitos sa pagkuha og health card tungod sa pipila ka rason.

“It was agreed upon nga tanggalon na ang testing dinha sa pagkuha sa health card nato. So, wala na poy RT-PCR or Antigen required kung magkuha or mag-renew ka’g health card nimo dinhi sa City Government of Davao sa City Health Office,” matud sa alkalde.

Gibutyag sa mayor, usa sa rason mao ang dili igo nga libreng test kits gikan sa lokal nga gobyerno tungod sa daghang indibidwal nga nagakuha og health card ug ang maong surveillance sa COVID-19 cases gibalhin na lamang sa establisyemento.

Dugang ni Duterte-Carpio, aduna usay reports nga ang empleyado ang mugasto sa testing pagkuha og health card, hinungdan nga hingpit kining giwagtang.

RadyoMaN Kirby Manzon



<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments