Davaoeño nag-awhag nga magpabakuna batok new Omicron COVID-19 variant

Davao City – Wala na nibati og kahadlok ang usa ka Davaoeño human nga nagbaton na og local transmission sa Coronavirus Disease 2019 (COVID-19) Omicron subvariant BA.2.12.1 sa Pilipinas.

Sa interbyu sa DXDC RMN Davao kang Daisy Cuerbo, taga Barangay 24-C, Davao City, gibutyag niini nga siya ug ang iyang pamilya nagpabakuna na batok sa COVID-19, gani ang iyang anak balik na usab sa face-to-face classes.

Matud ni Daisy, importante nga magpabakuna ilabina kadtong mga persons with comorbidities kun adunay balatian aron malikayan ang risgo hatud sa COVID-19.

“Dili nako mahadlok kay vaccinated na. Sauna pud sa wala pa ko nag-vaccine, wala man pud ko nahadlok ana (COVID-19 variants). Siguro sa mga naay sakit lang gyud siguro na dapat ang mag-amping,” sulti ni Daisy.

Sa report sa Department of Health (DOH), ang tulo ka kaso sa subvariant na-detect sa Western Visayas region. Usa niii fully vaccinated nga returning overseas Filipino gikan United States (US) samtang, ang duha mga local cases nga na-detect sa Iloilo City diin usa ang fully vaccinated samtang ang usa ginakumpirma pa.

Sa pagkakaron, aduna nay 17 total cases sa BA.2.12.1 sa nasud.

RadyoMaN Kirby Manzon

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments