Davaoeños gipa-alerto batok tsunami

17

Davao City – Gipahinumdom sa Office of the Civil Defense (OCD-XI) sa Davaoeños nga dili mag-panic, inay mahimong kalmado panahon sa mga anunsyo sa kalamidad sama sa tsunami, human mitay-og ang 8.2 magnitude nga linog sa southern coast sa Chignik, Alaska subay sa gipagula nga inpormasyon sa Department of Science and Technology-Philippine Institute of Volcanology and Seismology (DOST-PHIVOLCS) kagahapong adlawa (July 29, 2021).

Sa interbyu sa DXDC RMN Davao kang Angie Lina Payosalan, Spokesperson sa OCD-XI, gibutyag niini sa gipagawas nga Tsunami Information No.1 sa DOST-PHIVOLCS, walay evacuation nga gimando sa posibleng epekto sa linog sa Alaska, apan gipa-alerto gihapon ang mga probinsya sa intero Davao Region sa posibleng epekto kagahapong adlawa.


“Coastal man gud ‘ni siya, 8.2 magnitude didtoa sa Alaska, but still atoa lang gihapo’g gi-advise ang public nga mag atang lang gihapon ta’g further advise coming from PHIVOLCS po,” sulti ni Payosalan.

Sa gipagawas usab sa DOST-PHIVOLCS nga Tsunami Information No.2, gipahibalo niini nga walay hulga sa tsunami sa Pilipinas nga gipasalamat sa publiko.

Nasayran nga ang maong 8.2 magnitude nga linog sa Alaska maoy natala nga pinakakusog nga pagtay-og sukad niadtong tuig 1964.

RadyoMaN Kirby Manzon



Facebook Comments